Огорченост поради францускиот магазин „Шарли Ебдо“, кој ја исмејува Туркије по земјотресот

АНКАРА (АА) – Францускиот сатиричен магазин „Шарли Ебдо“ предизвика бес со карикатурата што ја објави исмејувајќи ја Туркије откако земјата ја потресоа два разорни земјотреси во понеделникот, пренесува Анадолу.

Карикатурата на Твитер, објавена како „илустрација на денот“, прикажува урнати и оштетени згради, превртени автомобили и купишта од урнатини.

„Земјотрес во Туркије“, пишуваше во горниот десен агол од карикатурата, а во долниот дел: „Нема потреба од испраќање тенкови.“

Корисниците на интернет реагираа на карикатурата изразувајќи ја својата фрустрација и гнев.

„Шарли Ебдо“ е францускиот сатиричен магазин познат и по своите карикатури кои го навредуваат Божјиот пратеник Мухамед.

Овој француски магазин предизвика гнев со новата карикатура која ја исмејува Туркије откако земјата во понеделникот на потресоа два разорни земјотреси.

Институтот „Босфор“ со седиште во Париз, кој работи на јакнење на пријателството меѓу Франција и Туркије, ја осуди карикатурата, нарекувајќи ја „срамна, патетична и мизерна“.

„Оваа карикатура не е ништо друго освен срам“, изјави Франсоа Бургат, политиколог од францускиот Национален центар за научни истражувања.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..