Фудбалската Федерација на Франција предмалку во своите простории свечено го претстави новиот селектор на репрезентацијата во името на легендарниот Зинедин Зидан.
Еден од најголемите фудбалери на сите времиња, за Франција и да не говориме, конечно застана на чело на националниот тим со кој како играч и капитен освои многу трофеји.
Сега, како тренер ќе се обиде да го врати сјајот на „Триколорите“ кои што на последниот Мундијал во САД, Мексико и Канада не се прославија и не стигнаа до посакуваната цел, финалето и титулата.
„Ви благодарам на сите. Прво на сите, сакам да испратам порака за поддршка до пожарникарите и до сите што се борат со пожарите. Ова е тежок момент и моите мисли се со нив. Им благодарам на федерацијата и на претседателот за нивната доверба. Ако сè функционира толку добро тука, тоа е затоа што имаат одличен тим. За мене, ова е сон што се оствари. Можам да кажам дека во последните четири или пет години имав понуди од клубови и ги одбив затоа што ја сакав само Франција. Тоа беше единственото нешто што сакав да го направам. Дојдов до крај како играч и ќе дадам сè од себе за да можеме да продолжиме да победуваме. Сакам да им честитам на Дешан и на целиот негов персонал – браво за сè што постигнавте. Сите сакаме да ја видиме Франција како победува и ќе ја вложам целата моја енергија во овој тим.“ – изјави Зидан на самата промоција.
Извор: vecer.mk
