Системот за мониторирање на безбедноста означи дека вакцината против ковид на американскиот производител на лекови Фајзер и германскиот партнер Бионтек можеби е поврзана со еден вид мозочен удар кај постарите лица, на што укажуваат прелиминарните податоци анализирани од американските здравствени власти.
Центарот и Агенцијата соопштија дека во базата на податоци за вакцини откриен е можен безбедносен проблем во кој луѓето на возраст од 65 години и постари имаат поголема веројатност да настрадаат од исхемичен мозочен удар. Веројатноста е поголема во рок од 21 ден по добивање на вакцината отколку од 22-от до 44-от ден.
Исхемичен мозочен удар, познат и како мозочна исхемија, е предизвикан од блокирање на артериите кои носат крв до мозокот. ФДА и ЦДЦ рекоа дека други големи студии и бази на податоци уште го немаат регистрирано ова безбедносно прашање.
„Иако е мала веројатноста ова да претставува вистински клинички ризик, веруваме дека е важно да се сподели оваа информација со јавноста“, велат здравствените власти на САД.
Во меѓувреме, англискиот кардиолог Асим Малхотра успеа да стигне и на BBC и да предупреди дека фактор во вишокот фатални кардиоваскуларни проблеми кои се регистрираат во овој период најверојатно се вакцините и да побара нивно паузирање додека не се спроведе темелна научна и здравствена истрага на ова прашање.
„Успеавме. Ги пробивме меинстрим медиумите!“,задоволно констатираше докторот.
*****************
Види и:
ИЗВОР: off.net.mk
