Битолскиот бизнисмен Борче Марковски, кој е обвинет за злоупотреба на тендери во РЕК „Битола“, се врати во Македонија, изјави за ТВ 24 неговиот адвокат Марјан Николоски.
Николоски тврди патувањето било неопходно.
На премиерот Христијан Мицкоски кој најави истрага за ова, адвокатот му порача дека се е законско во случајот.
Пред три дена медиумите објавија дека бизнисменот, кому Основниот суд во Струга му го врати пасошот откако приложил гаранција од пет милиони евра, ја напуштил Македонија и преку граничниот премин „Табановце“ влегол во Србија.
Марковски, кој е и почесен конзул на Белорусија во Македонија, поседува компании и друг имот во Србија.
Извор: zurnal.mk
