Објавени првите фотографии од Трамп во судницата: Се изјасни дека не е виновен

Телевизиските камери не смеат да го следат судењето, но на фотографите им е дозволено да го фотографираат почетокот на судењето. Фотографиите покажуваат дека во близина на Трамп нема ниту еден агент на Тајната служба, позади него стојат само службеници од правосудната полиција

Поранешниот американски претседател Доналд Трамп се изјасни како невин во судот во Менхетен, каде што по неговото формално апсење му се суди за 34 точки од обвинението, јавија американските медиуми.

Телевизиските камери не смеат да го следат судењето, но на фотографите им е дозволено да го фотографираат почетокот на судењето. Фотографиите покажуваат дека во близина на Трамп нема ниту еден агент на Тајната служба, зад него стојат само службеници од правосудната полиција.

Тој ја напушти судската зграда по сослушувањето и се упати кон својот дом во Флорида.

Трамп се соочува со 34 точки од обвинението за измама поврзани со тајните пари што тој наводно ги платил за прикривање вонбрачни афери. Трамп е обвинет дека ѝ платил на порноѕвездата Сторми Даниелс да молчи за нејзината врска со него пред неговата претседателска кандидатура во 2016 година.

Следното рочиште на кое Трамп мора да се појави е закажано за 4 декември во Њујорк.