Ново издание на 360° – интервју со Ковачевски: Влегува ли Алијанса и си оди (останува) ли Алтернатива?

Погледнете го новото издание на емисијата „360 степени“, емитувано на 27 јануари 2023 г. на ТВ Алсат, во кое гостуваше Димитар Ковачевски, премиер и претседател на СДСМ

Со премиерот и претседател на СДСМ, Димитар Ковачевски, разговараме за политичката динамика дома и за тензиите на релациите Скопје – Софија. Дали Алијанса за Албанците на Арбен Таравари ќе влезе во Владата и дали во такво сценарио Алтернатива на Африм Гаши ќе остане или ќе замине од мнозинството? Колку е стабилен и обединет СДСМ по медиумските написи дека „Заев се обидува да го урне Ковачевски“ и дека договарал со Мицкоски брзи избори и заедничка влада на СДСМ и ВМРО-ДПМНЕ по нив? Има ли Владата план како да стигне до уставни измени со кои ќе ги внесе Бугарите, Црногорците и Хрватите во преамбулата имајќи предвид дека без процесот да заврши до ноември-декември, преговорите за членство со ЕУ ќе запрат? Дали на 4 февруари ќе им биде забранет влез во државава на еден европратеник и други бугарски државјани како што препорача претседателот Стево Пендаровски?