Ново издание на 360°: Дали Заев го урива Ковачевски и се договара со Мицкоски – интервју со вицепремиерот Маричиќ

Погледнете го новото издание на емисијата „360 степени“, емитувано на 9 јануари 2023 г. на ТВ Алсат, во кое гостуваше Бојан Маричиќ, вицепремиер за европски прашања

Со вицепремиерот за европски прашања и секретар за меѓународна соработка на СДСМ, Бојан Маричиќ, разговараме за медиумските написи дека „Заев подмолно се обидува да го урне Ковачевски“ и дека пред дел од сопартијците презентирал план за влада на СДСМ и ВМРО-ДПМНЕ, без ДУИ, по избори што би се одржале оваа пролет. Маричиќ го прашуваме и за друга идеја што циркулира во политички кругови – за широка предизборна ,,проевропска” коалиција на сите наспроти ВМРО-ДПМНЕ и Левица. Тема е и новиот систем за влез во 30 европски земји, кој треба да профункционира оваа година, а се однесува и на граѓаните на Северна Македонија. ЕТИАС предвидува претходно одобрување на патување во некоја од 30 држави, главно членки на ЕУ, преку пополнување онлајн-апликација и плаќање седум евра. Дали ЕТИАС ги враќа шенген-визите за македонските граѓани? Можно ли земјите од регионот што преговараат за влез во ЕУ да бидат изземени?