Ново издание на 360°: Дали македонскиот изборен модел треба да биде уште попропорционален?

Погледнете го новото издание на емисијата „360 степени“, емитувано на 5 мај 2023 г. на ТВ Алсат, во кое гостуваа Моника Зајкова – пратеничка и лидерка на ЛДП, и Кристијан Фидановски – коавтор на анализа за македонскиот изборен модел и докторанд на „Оксфорд“

Во ова издание на емисијата „360 степени“ дебатираме за изборниот модел и аргументите за и против негова промена во период кога почна да функционира работната група што треба да ги усогласи идните промени во Изборниот законик. Од оние што се залагаат за воведување една изборна единица, наместо сегашните шест, за соговорничка ја имаме Моника Зајкова, пратеничка во парламентот и лидерка на Либерално-демократската партија. Втор наш гостин е Кристијан Фидановски, коавтор на анализа за пропорционалноста на македонскиот изборен модел, изработена под капата на Институтот за демократија и докторанд на „Оксфорд“.