Додека не сме подготвени да издвоиме пари за имплементирање на стратегиите за спречување насилство врз жени и семејно насилство, да не се лажеме дека превземаме нешто.
Направивме нов закон за спречување и заштита од семејно насилство, но не предвидовме колку пари ќе нé чини неговата имплементација, велат од невладиниот сектор на собраниската седница за еднакви можности помеѓу жените и мажите.
Недонесувањето на законот за родова еднаквост нé уназади во Европскиот извештај за родова еднаквост во Македонија. Исто така, иако веќе три години откако е усвоен законот за спречување и заштита од семејно насилство и насилство врз жени, во поглед на имплементацијата сеуште немаме позначајни резултати, велат од невладиниот сектор.
Дополнително, се повеќе ни растат облиците на технолошки овозможено насилство, и веќе треба да правиме нови промени во кривичниот законик кои ќе го адресираат и овој вид на насилство особено врз децата, препорачуваат од UNDP.
Денеска започна глобалната кампања “16 дена активизам против насилство врз жени и девојки„. Во Македонија беше потпишана декларација преку која ќе се развиваат иницијативи за заедничко дејствување во борбата против насилството врз жени и девојки во училишта, клубови како и широка мрежа на организации и институции.
Извор: 24vesti.mk
