Неверојатни емоции во Франција: Пред мечот дозна за смртта на неговата мајка, па одигра 90 минути со солзи во очите

Монпелје е сигурен на табелата и немаше за што да игра на гостувањето кај Нант во текот на вчерашниот ден, но сепак пристапи максимално професионално и дополнително ги расипа работите за тимот кој се бори за опстанок.

Гостите успеаја да победат со 0:3 и покажаа дека се далеку посериозен тим од Нант, но сепак вест на денот беше една тажна информација и емотивната состојба на дефанзивецот на гостите.

Immense love & respect goes out to Montpellier full-back Issiaga Sylla who learned that his mother had passed away before today’s Ligue 1 match with Nantes but chose to play regardless. May she rest in peace. pic.twitter.com/uLlHI2LNOD

— Get French Football News (@GFFN) May 21, 2023

Исијага Сила е стандарден лев бек на Монпелје и игра на секој натпервар, но вчера го имаше најемотивното попладне во кариерата, бидејќи непосредно пред пресметката, дознал за смртта на својата мајка.

И покрај ужасната вест, Сила собра храброст да игра и се појави на теренот, но сосема јасно, во повеќе наврати го совладуваа емоциите и беше тешен од своите соиграчи.

We’re with you, Issiaga Sylla 🙏 pic.twitter.com/L82wUaE1hZ

— Ligue 1 English (@Ligue1_ENG) May 20, 2023

Левиот бек ги одигра сите 90 минути со солзи во очите, а победата и ја посвети на својата мајка која починала во родната Гвинеја.