Тој вчера на неговиот профил на Инстаграм објави фотографија со неговите кучиња како седат во дневната соба. Периодов Редик беше на турнеја на која го промовираше четвртиот дел од фимовите за Џон Вик
Познатиот американски актер Ленс Редик, почина на 60-годишна возраст во својот дом во Лос Анџелес, јавија американските медиуми.
Редик е познат по улогите во серијата The Wire („Жица“) и серијата филмови за Џон Вик.
Актерот починал денеска наутро, а полицијата била повикана околу 9:30 часот по локално време.
„Ленс многу ќе ни недостига. Ве молиме почитувајте ја приватноста на неговото семејство во овој момент“,
изјавила за американските медиуми неговата публицистка Миа Хансен.
Смртта на Редик дојде ненадејно, пишуваат дел од медиумите и потсетуваат дека вчера на неговиот профил на Инстаграм објавил фотографии со неговите кучиња како седат на софата во неговата дневна соба.
Редик периодов беше среде неговата турнеја на која го промовираше четвртиот дел од филмовите за Џон Вик каде ја игра улогата на Харсон, а којшто требаше да биде промовиран на 24 март.
Извор: 360stepeni.mk
