ИСТАНБУЛ (АА) – Најмалку едно лице загина, а 25 се повредени во ракетните напади денес во областа Доњецк во Источна Украина, изјави гувернерот Павло Кириленко, јавува Анадолу.
„Најмалку едно лице загина, а 25 се повредени, уништени се административни и деловни згради. Ова се последиците од денешното гранатирање на Славјанск“, вели Кириленко во пораката на Телеграм.
Тој посочи дека две руски ракети го погодиле центарот на градот Славјанск околу 10:30 часот по локално време, додека други две погодиле дом за сираци во градот Дружкивка.
„Според прелиминарните информации, во моментов нема жртви во Дружкивка“, рече Кириленко.
Украинскиот претседател Владимир Зеленски изјави дека сите што се вклучени во ракетните напади „ќе сносат одговорност“.
Од почетокот на војната во Украина загинаа 8.317 цивили, а 13.892 се ранети.
Извор: www.aa.com.tr
