АНКАРА (АА) – Најмалку шест лица загинаа во лавина во Источна Франција, известија локалните медиуми, пренесува Анадолу.
Лавината се случи вчера на глечерот Амансет на Алпите, објави францускиот министер за внатрешни работи Жералд Дарманин на Твитер.
На местото на несреќата веднаш биле пратени спасувачки екипи. Според весникот „Ле Фигаро“, едно лице е повредено, додека осум лица успеале да побегнат од лавината.
Локалните власти соопштија дека не е познат бројот на планинари и скијачи на теренот и дека спасувачките операции продолжуваат.
Според локалните власти, лавината е широка околу 500 метри и долга околу 1.600 метри. Тие додаваат дека француската метеоролошка служба не очекувала дека тој ден ќе има лавина.
Извор: www.aa.com.tr
