Најмалку 18 загинати во сообраќајна несреќа во Мексико

БОГОТА (АА) – Најмалку 18 лица загинаа, а 33 се повредени во автобуска несреќа во Мексико. Несреќата се случила откако автобус излетал од патот и паднал во провалија, известува Анадолу.

На автопатот Тепик – Пуерто Ваљарта во мексиканската држава Најарит, на југот од земјата, автобус излетал од патот и паднал во провалија откако возачот ја загубил контролата над возилото.

Во несреќата животот го загубиле 18 лица, меѓу кои 11 жени, а 33 се повредени.

Канцеларијата на државниот обвинител соопшти дека автобусот го напуштил Халиско и се движел кон местото Компостела, во околината на градот Гвадалахара.

Во тек е истрага во врска со несреќата. На објавените снимки се гледа дека автобусот е целосно уништен.

Според податоците на мексиканската институција, Мексико се наоѓа на 7. место во светот и на 3. меѓу земјите од Латинска Америка според бројката на сообраќајни несреќи со смртни последици.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..