Руската државна телевизија наведува дека денес напладне на целата борбена линија стапил на сила режимот за прекин на огнот кој ќе трае до крајот на 7 јануари
Денеска во Москва почна прекинот на огнот за војниците да го прослават православниот Божиќ, тврди руската државна телевизија.
„Денес напладне на целата борбена линија стапи на сила режимот за прекин на огнот. Тој ќе трае до крајот на 7 јануари“,
наведува телевизијата.
Заменик-претседателот на рускиот Совет за безбедност, Дмитриј Медведев денеска изјави дека Киев со одбивањето на примирјето не ја прифаќа „раката на христијанската милост“, но и „помалку проблеми“ за руските војници.
Тој истакна дека му е жал за луѓето, кои ја изгубиле можноста да одат во црква.
Рускиот претседател Владимир Путин вчера му нареди на министерот за одбрана Сергеј Шојгу да воведе 36-часовен прекин на огнот на целиот фронт почнувајќи денеска на пладне.
„Со оглед на апелот на неговата светост Патријархот Кирил, му наредувам на министерот за одбрана на Руската Федерација да воведе режим на прекин на огнот на целата линија на фронтот во Украина од 6 јануари напладне до полноќ на 7 јануари“,
изјави Путин.
Патријархот московски и на цела Русија, Кирил повика на божиќен прекин на огнот во Украина и Донбас. Тој истакна дека тоа е неопходно за православните верници да можат да присуствуваат на богослужбите на Бадник и на Божиќ.
Советникот на украинскиот претседател Володимир Зеленски, Михаил Подољак вчера изјави дека Киев не прифаќа никаков мировен договор со Москва што ќе и овозможи на Русија да ја задржи окупираната украинска територија од руските сили, изјави денеска Подољак.
„Руската Федерација (Путин) под зборот разговор и нуди на Украина и на светот да го признаат нејзиното право да окупира странски територии и да го решат отсуството на правни последици за масовни убиства на странска територија. Тоа е целосно неприфатливо“,
напиша Подољак на Твитер.
Украинскиот претседател Володимир Зеленски тврди дека примирјето е само игра на Путин и дека целта е да се запре напредувањето на украинските сили во Донецк и поширокиот источен регион Донбас и да се донесат повеќе руски војници во Украина за време на примирјето.
Извор: 360stepeni.mk
