Новиот закон, кој ќе стапи на сила во јануари 2024 година, забранува работа на апликацијата Тик-ток во границите на Монтана
Гувернерот на Монтана, Грег Џанфорте, вчера потпиша закон со кој се забранува Тик-ток. Со тоа Монтана стана првата американска држава што ја забрани популарната апликација за кратки видео.
Монтана донесе закон за забрана на Тик-ток во средината на април. Законот беше прифатен со 54 гласа, 43 беа против, а законот сега е потпишан од републиканскиот гувернер на таа држава на северозападот на земјата, која има нешто повеќе од милион жители.
Гувернерот Џанфорте нагласи дека нацрт-законот ќе го унапреди заедничкиот приоритет за заштита на Монтана од надзорот на кинеската Комунистичка партија.
TikTok is just one app tied to foreign adversaries. Today I directed the state’s Chief Information Officer to ban any application that provides personal information or data to foreign adversaries from the state network. pic.twitter.com/92Im6D9Jgx
— Governor Greg Gianforte (@GovGianforte) May 17, 2023
Новиот закон, кој ќе стапи на сила во јануари 2024 година, забранува работа на апликацијата Тик-ток во границите на Монтана. Законот наведува и можни казни од 10 000 долари дневно за прекршителите, вклучително и за продавниците за апликации. Казните нема да важат за корисниците.
Тик-ток, кој има над 150 милиони корисници во САД, се соочува со зголемени повици од американски законодавци и владини претставници да ја забранат апликацијата на национално ниво поради загриженоста за потенцијалното влијание на кинеската влада врз платформата.
Но, компанијата, која е во сопственост на кинеската технолошка компанија „Бајтденс“, негираше дека некогаш споделувала податоци со кинеската влада и рече дека нема да го стори тоа доколку биде побарано.
Се очекува оваа мерка, која треба да стапи во сила на почетокот на следната година, да биде правно оспорена.
Извор: 360stepeni.mk
