Министер Перински во Словенија: Словенечките искуства значително ќе придонесат за зајакнување на капацитетите за нашата европска перспектива

November 6, 2024
2 mins read

Министерот за локална самоуправа, Златко Перински, престојува во тридневна студиска посета на Словенија во организација на Програмата за развој на Обединетите нации (УНДП), како дел од неговата агенда за размена на искуства и примена на позитивни практики на земјите од регионот во насока на подготовка на планираните измени на Законот за локална самоуправа. Министерот денеска одржа средби со првиот човек на Министерството за кохезија и регионален развој, Александар Јевшек и со Франц Пропс, кој раководи со Министерството за јавна управа.

Начинот на спроведување на политиките за рамномерен регионален развој и изворите за финансирање, беа во фокусот на средбата со министерот Јевшек, кој раководи со Министерството кое е одговорнo за спроведување на европската политика за кохезија и регионален развој. На средбата министерот Перински се информираше и за организационата поставеност на Министерството, кое практично ги извршува истите функции како и Министерството за локална самоуправа, но, со една значајна разлика, кај нас политиката за рамномерен регионален развој главно се спроведува со средства од буџетот на државата и не управува со средствата од ИПА Програмата.

Министерот Перински, средбата со колегата Пропс ја искористи да се информира за дигитализацијата на административните услуги кои ги обезбедуваат општините во Словенија, како се одвивал процесот на дигитализација и помошта на централната власт за дигитализацијата на локално ниво, а разговараа и за законската рамка со кои е регулирана соработката на словенечките општини со граѓанскиот сектор, изворите за нивно финансирање и за начинот за вршење надзор над работењето на единиците на локалната самоуправа и нивната транспарентност.

-Разменетите искуства и позитивни практики и од оваа студиска посета, како од неодамнешната на Србија, ќе може да ги искористиме при подготовката на измените на Законот за локална самоуправа со цел за пофункционални општини и поефикасни јавни услуги по европски нормативи. Средбите се и од исклучителна важност за нас како држава која се стреми за влез во Европската Унија и интензивно работи на неопходните реформи, пат кој Словенија веќе го минала и веќе две децении е рамноправна членка на европското семејство, истакна министерот Перински по средбите на кои се заблагодари за постојаната поддршка која Словенија ја дава за европската перспектива на нашата држава, како и за споделувањата на искуствата во овој процес.

Перински истакна дека со министерот Јевшек договориле на техничко ниво во периодот во којшто ќе следи да се формираат работни групи за размена на позитивните искуства од Словенија, а кои ќе користат при започнатиот процес за измени на Законот за локална самоуправа.

-Да го спречиме заминувањето на младите луѓе од неразвиените региони. Да обезбедиме развој заснован на децентрализација врз принципот на општествениот развој и оној дел од земјата кој послабо е развиен да се развие побрзо и да ги достигне оние кои веќе се развиени. Тоа е смислата на кохезијата, смисла на усогласениот регионален развој, изјави министерот за кохезија и регионален развој, Јевшек, по средбата со Перински, на која се заложиле за продлабочување и интензивирање на соработката помеѓу Македонија и Словенија во областа на регионалениот развој.

За таа цел, Словенија како земја членка на Европската Унија ќе се заложи на Македонија како претендент за членство во ЕУ, да ѝ помогне околу искористување на средствата од европските фондови за регионален развој, од кој бенефит би имале сите граѓани во регионот, а значително би помогнало и за намалување на трендот на исселување на младите од државата.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

„Би бил среќен ако камерите почнат со работа во јануари следната година“, рече Тошковски

Следно

Зеленски потпиша два нацрт-закона за продолжување на воената состојба на Украина и за мобилизација

Latest from Blog

Лавовите од Престон тргнуваат на турнеа во Македонија пред Австралискиот шампионат

Сениорскиот тим на клубот Престон, ќе ја претставува заедницата и клубот во Македонија, со патувањето што започнува в понеделник, 15 септември. Турнејата ќе послужи како подготвителен тренинг камп пред Австралискиот шампионат. За

Вучиќ: Би сакал изборите да бидат во декември 2026, сценарио со немири како во Непал и убиството на Кирк планирано и во Србија

Во интервју за ТВ Информер тој нагласи дека сценарио со немири како во Непал и убиството на американскиот активист Чарли Кирк било планирано да се случи и во Србија, „но успеавме да

Стигнаа добри вести за Барса: УЕФА го помилува Флик

Фото: Барселона/Твитер Тренерот на Барселона, Ханси Флик, ќе го предводи тимот во нивниот прв натпревар од Лигата на шампионите оваа сезона против Њукасл, откако УЕФА ја намали неговата дисциплинска мерка. Флик и

Ѓорѓиевски: Црквата ја чува верата и традицијата на генерациите

Со свечена литургија, предводена од поглаварот на Македонската православна црква – Охридска архиепископија, Неговото Блаженство г.г. Стефан, денеска беше одбележан големиот јубилеј – 50 години од осветувањето на храмот „Св. Петар и

Ким Џонг-ун најави нова нуклеарна политика

Севернокорејскиот лидер Ким Џонг Ун објави дека земјата ќе претстави политика за заедничко унапредување на нуклеарното оружје и конвенционалната воена моќ за време на претстојниот клучен состанок на неговата владејачка партија, објави
Go toTop