Милановиќ смета дека Хрватска не смее да биде заложник на амбициите на премиерот Пленковиќ

April 8, 2023
1 min read

Хрватскиот претседател Зоран Милановиќ изјави дека е важно датумот за парламентарните избори да не се прилагодува на амбициите и интересите на премиерот Андреј Пленковиќ, откако во јавноста се појавија информации дека токму Пленковиќ има амбиции да стане потенцијален кандидат за нов генерален секретар на НАТО. Притоа, тој рече и дека Пленковиќ живее за да се препаркира некаде

Милановиќ воедно изјави дека Хрватска не смее да биде заложник на амбициите на премиерот, а позицијата генерален секретар на НАТО, според него, никгоаш не функционирала како нешто креативно или пак политички важно.

„Мене ми е важно да се избегне прилагодување на датумот на избор за потребите на претседателот на Владата и неговите амбиции да се премести во некое високо меѓународно тело. Инаку, во време на криза шефот на НАТО е само медиумски присутен, но тој мора да биде допадлив за Вашингтон и Париз“,

рече Милановиќ.

Тој воедно рече дека не може да го види Пленковиќ како генерален директор на НАТО, бидејќи таму во принцип мора да бидете послушни и одговарате на претпоставените, а Пленковиќ според него, низ текот на целата негова кариера забивал ножеви во грб на лицата кои му помагале.

Инаку мандатот на актуелниот шеф на НАТО, Јенс Столтенберг му истекува на 30 септември, а покрај Пленковиќ, како потенцијални кандидати се спомнуваат и романскиот претседател Клаус Јоханис и естонската премиерка Каја Калас. Кој ќе биде следниот генерален директор, би требало да биде познато до крајот на јули годинава.

Извор: 360stepeni.mk

MARKETING

MARKETING

Претходно

Кои експерти ќе учествуваат во работната група за уставните измени?

Следно

ХОРОР во Албанија: Убиена мајка на две деца, убиецот е член на семејството

Latest from Blog

Четири активни пожари низ Македонија

До пладне, во државата се регистрирани вкупно 14 пожари на отворено. Од Дирекцијата за заштита и спасување информираат дека четири од нив се уште се активни – во општина Дојран, кај селото

Ѓоковиќ: Ова не е крај за мене на Вимблдон

Новак Ѓоковиќ даде интервју за новинарите, во кое кажа кои мисли дека се причините за неговиот пораз од Јаник Синер денес. “Реалноста ме стигна во последните година и половина како никогаш досега…

Хелсиншкиот комитет бара истрага за полицајците што не го спречиле нападот врз градоначалничката Арсовска

Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што се случи денеска на Бит Пазар за време на службен увид во

Франција покрена кривична истрага против компанијата „Икс“ за манипулација со алгоритмот

Француските обвинители започнаа кривична истрага против Фејсбук поради наводите дека компанијата, во сопственост на милијардерот Илон Маск, манипулирала со алгоритми со цел „странско мешање“. Судијата Лор Бекуо денес изјави дека обвинителите ја
Go toTop