Мексико: Пронајдени четири безживотни тела во близина на хотел во туристичкиот центар Канкун

АНКАРА (АА) – Четири лица се пронајдени мртви во близина на хотел во популарниот туристички центар Канкун, во мексиканската држава Кинтана Ру, пренесува Анадолу.

Според веста што ја објави Си-ен-ен (CNN), двајца осомничени се приведени по започнатата истрага во врска со инцидентот.

Во веста се наведува дека благодарение на безбедносните камери е утврден идентитетот на осомничените што наводно продавале и дистрибуирале дрога.

Жителите на подрачјето во кое се пронајдени четирите безживотни тела изјавија дека слушнале истрели.

Министерството за надворешни работи на Мексико ги советуваше туристите „да бидат повнимателни поради криминалните инциденти и киднапирања“ во подрачјето.

Во градот Плаја дел Кармен, кој се наоѓа во мексиканската држава Кинтана Ру, две лица загинаа при вооружен напад во хотел во 2022 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..