Манчестер Сити и Интер се соочуваат во Истанбул: На истиот стадион се случи најголемото чудо во историјата на финалињата

Најважниот натпревар кој се одигра на „Ататурк“ исто така беше финале од Лигата на шампиони. Се одигра во 2005 година помеѓу Ливерпул и Милан и тогаш се случи најголемото чудо во историјата на финалињата

Манчестер Сити и Интер за помалку од половина час ќе истрчаат на стадионот во Истанбул каде се борат за титулата во Лигата на шампиони (ЛШ). Натпреварот почнува во 21 часот, а тимот на Пеп Гвардиола се фаворити според обложувалниците, а во случај да победат тоа ќе биде прв пат Манчестер Сити да бидат европски прваци. За Интер, пак, ова би било четврта титула.

Финалето ќе се игра на олимпискиот стадион „Ататурк“. Стадионот има капацитет за околу 75 000 навивачи што го прави најголемиот во Турција.

Интересен податок за стадионот е што првично имал капацитет од 80 000 луѓе, но по три гони тој е намален бидејќи од петте илјади места кои биле скратени не можело да се следи што се случува на теренот.

Стадионот почнал да се гради во 1999 година со цел Турција да се квалификува во трката да биде домаќин на Олимписките игри во 2008 година. Но, тоа беше залудно бидејќи не ѝ беше доделена организацијата на игрите иако во изградбата вложи 350 милиони евра.

Стадионот, кој беше отворен во 2002 година со меч помеѓу грчки Олимпијакос и турски Галатасарај, подоцна им беше адут на Турците во барањето да ги организираат европските фудбалски првенства во 2012 и 2016 година, но ниту нив не успеаја да ги добијат.

Најважниот натпревар кој се одигра на „Ататурк“ беше финалето од Лигата на шампиони во 2005 година помеѓу Ливерпул и Милан. Италијанците водеа со 3:0, но Англичаните изедначија и на крајот победија на пенали. Овој натпревар беше запамтена како најголемото „чудо“ во историјата на Лигата на шампиони. Ќе биде ли така и на вечерашното финале?