Макрон сака да ја види Русија поразена во војната со Украина, но не и „скршена“

February 19, 2023
2 mins read

„Не мислам, како некои луѓе, дека мораме да целиме кон целосен пораз на Русија со напад на Русија на нејзино тло. Овие набљудувачи сакаат, пред сè, да ja уништат Русија. Тоа никогаш не бил ставот на Франција и никогаш нема да биде наша позиција“, изјавил Макрон за Ле журнал ду диманж (Le Journal du Dimanche), пренесува Би-би-си

Францускиот претседател Емануел Макрон изјавил дека посакува Русија да биде поразена во војната со Украина, но не и да биде „скршена“, пренесува Би-би-си“. Тој зборувајќи за француските медиуми ги повикал западните земји да ја зголемат воената поддршка за Киев и рекол дека е подготвен за долготрајна војна. 

 „Сакам Русија да биде поразена во Украина и сакам Украина да може да ја одбрани својата позиција“,

рекол Макрон.  

Сепак, тој упатил и порака до оние за кои, како што рекол, сакаат да ја прошират војната на територијата на Русија во обид да ја „скршат“ нацијата. 

Францускиот претседател Емануел Макрон/Фото: Архива

Коментарите на Макрон доаѓаат за време на Минхенската безбедносна конференција на која светските лидери меѓу другото ветија забрзување на испораката на оружје за Киев и воведување на построги санкции кон Москва. 

 „Не мислам, како некои луѓе, дека мораме да целиме кон целосен пораз на Русија со напад на Русија на нејзино тло. Овие набљудувачи сакаат, пред сè, да ja уништат Русија. Тоа никогаш не бил ставот на Франција и никогаш нема да биде наша позиција“,  

изјавил Макрон за Ле журнал ду диманж (Le Journal du Dimanche).

 Говорејќи на конференцијата во Минхен во петокот, Макрон инсистираше на тоа дека сега не е време за дијалог со Москва. Сепак, тој не избегна да ги спомене мировните преговори како крајна цел. 

Макрон посочи дека украинските воени напори, поддржани од сојузниците, се единствениот начин да се „врати Русија на маса и да се изгради траен мир“. Тој, исто така, ја отфрли можноста за промена на режимот во Русија, опишувајќи ги сличните напори ширум светот како „целосен неуспех“. 

 И покрај коментарите на Макрон, засега нема изгледи ниту од Москва, ниту од Киев за седнување на преговарачката маса.  

 Украинскиот министер за надворешни работи Дмитро Кулеба, кој учествува на Минхенската безбедносна конференција ја поздрави одлуката да не се покани Москва на конференцијата.  

„Руските лидери не треба да бидат поканети на маса се додека „терористичката држава убива, се додека користи бомби, проектили и тенкови како аргумент за меѓународната политика“,

рече тој. 

Шефот на украинската дипломатија, Дмитро Кулеба, во саботата во Минхен го бранеше повикот за употреба на касетна муниција против руските војници бидејќи Украина не е потписник на Конвенцијата за забрана на употреба на такво оружје, но таквиот повик беше отфрлен од генералниот секретар на НАТО, Јенс Столтенберг. 

Инаку, потпретседателката на Соединетите Американски Држави, Камала Харис, во саботата на конференцијата во Минхен првпат ја обвини Русија дека извршила „злосторства против човештвото“ во Украина, за што се собрани и попишани повеќе од 30 000 случаи. Стортелите „ќе одговараат пред суд“, порача таа. 

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Видео: Глутница кучиња нападнаа домашен миленик во Скопје, жителите алармираат дека шетаат со страв

Следно

Во Турција од 6 февруари регистрирани повеќе од 5.700 земјотреси

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop