На денешната богослужба во црквата Свети Сава во Белград на која се одржува Соборот на СПЦ се разгледува што ќе се случи со Православната Охридска Архиепископија која беше формирана во рамките на Српската црква, а тема на разговор е и косовското прашање
Според агенцијата Бета, македонското прашање секако ќе биде пред патријархот и пред епископите, откако на минатиот Собор во 2022 г. беше одлучено Македонската православна црква – Охридска архиепископија (МПЦ) да добие томос за автокефалност, со што ќе се надмине спорот што настана кога таа неканонско се оддели од Српската црква од автономна во целосно независен статус.
„Бидејќи Соборот е одговорен за најважните одлуки, можно е да соопшти што се случува со Православната Охридска Архиепископија (ПОА) формирана како автономна во рамките на Српската црква, што беше одговор на долгогодишното одбивање на МПЦ да се врати во таков статус“,
пишува Бета.
Во пресрет на седницата на Соборот, како што дознава Бета, во Белград престојувала делегација на МПЦ и во Патријаршиската палата разговарала со патријархот Порфириј. Официјална најава за средбата нема, но опцијата која претходно се споменуваше е ПОА да се интегрира во МПЦ и да добие места во епархиите. Во краткото официјално соопштение на СПЦ не се споменуваат никакви теми, освен доставување извештаи од епархиите и црковните органи, но Косово е редовна тема и се очекува така да биде и на овој Собор, кој според практиката заседава зад затворени врати.
Извор: 360stepeni.mk
