На 23 ноември годинава, Македонија заедно со Унгарија, Србија и Грција ќе потпишат заедничка изјава за изградба на брза пруга од Будимпешта до Атина, односно Патра, соопшти министерот за транспорт, градежништво и инфраструктура на Србија, Горан Весиќ.
„Брзата пруга низ Србија, како дел од идната брза пруга од Унгарија до Грција, е на европската железничка мрежа. Како што најави претседателот на Србија, Александар Вучиќ, ден пред новата делница од Нови Сад до Суботица – Унгарија, Србија, Северна Македонија и Грција ќе потпишат заедничка декларација за изградба на брза пруга од Будимпешта до Атина, односно Пиреја и Патра“, изјави министерот за градежништво, транспорт и инфраструктура Горан Весиќ
Тој додаде дека Србија заедно со Македонија ќе бараат заедничко финансирање на пругата од границата на Србија до Скопје.
Грција веќе дизајнира пруга од Солун до Идомени на грчко-макледонската граница, и ја обновуваат пругата Солун – Атина. Останува само да се реши врската од Скопје до границата со Грција, рече тој.
ИЗВОР: ТВ 21
