Лекарите во Штип стравуваат од нова епидемија од морбили

January 21, 2023
1 min read

Во Штип нема регистриран случај на морбили, но лекарите се со апел за што помасовна вакцинација на децата. Доктор Дијана Коцева – Миланова од Здравствениот дом „Панче Караѓозов“ Штип вели дека родителите најмногу пружат отпор кон оваа вакцина, што само ги изложува децата на зараза при евентуално пренесување на болеста од надвор.

– Не, немаме случаи на регистрирани заболени од морбили, меѓутоа самиот факт дека е низок опфатот на имунизација ги изложува од ризик неимунизираните деца при еден импортиран случај, евентуално, од странство да ја добијат болеста, бидејќи се работи за болест која се шири преку директен контакт и преку воздушно, вели Коцева – Миланова.

Опфатот на вакцинација во Штип е нешто понизок кај првата доза која ја примаат дванаесетмесечни деца, што се објаснува со општопознатиот факт дека родителите често ја одложуваат вакцинацијата, односно чекаат детето да прооди или да прозбори, па да ја прими вакцината.

Коцева-Миланова забележува дека вообичаено родителите ги носат децата за вакцинација по втората година.Смета оти ваквиот факт е неоправдан, бидејќи со тоа децата само се изложуваат на ризик.

-За да се оствари солиден колективен имунитет ние целиме кон опфат од над 95 проценти, меѓутоа реално тој опфат тешко се достигнува, така што на национално ниво целиме опфатеноста да е барем над 90 проценти. Во Општина Штип за вакцина со прва доза, која се прима на 12 месеци, опфатот изнесува околу 75.6 проценти, веќе за ревакцината која е на шест години опфатот е добар, 93,7 проценти. Меѓутоа, опасност да заболат од морбили се најмногу изложени малите деца и возрасните невакцинирани деца, кај компликациите може да бидат доста сериозни, па дури да доведат и до смрт, додава Коцева – Миланова.

Претходната пандемија на морбили беше прогласена на ниво на цела држава во 2019 година. Ако се спореди тогашниот процент, вели Коцева – Миланова, постои реална основа за грижа.

-И претходната пандемија кога се случи во 2019 година опфатот беше околу 80 проценти. Сега ние сме многу под 80 проценти, така што ризикот е реален од нова епидемија со морбили, рече Коцева – Миланова.

Не може да се каже колку процентот треба да падне за да се прогласи епидемија на морбили. Коцева – Миланова вели дека за преземање такви мерки одлучува Комисијата за имунизација, а тие ги следат препораките на национално ниво.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Подољак: Размислете побрзо, секое одложување на помошта е смрт на Украинци

Следно

Градоначалникот на Илинден се сретна со пратеник и заменик градоначалник од Србија

Latest from Blog

Се празнуваат Светите маченици Сергиј и Вакх

Светите маченици Сергиј и Вакх Овие Свети и прекрасни маченици за верата Христова беа најпрво достоинственици на дворецот на царот Максимијан. И самиот цар многу ги уважуваше заради храброста, мудроста и верноста.

Водители ѝ ги мирисаат стопалата на Дру Баримор, а потоа таа ги мириса нивните (ВИДЕО)

Во духот на спонтаноста по која е позната, популарната актерка и водителка без двоумење ги помириса стапалата на своите ко-водители, Сани Андерсон и Рос Метјуз, додека студиото се смееше и не можеше

Снаа на погребот на свекрвата дознала дека сопругат со години ја изневерувал- имал паралелно семејство и син, ќе оди во затвор

Според телевизијата Хенан, жената со презиме Шанг од покраината Шандонг била во брак со својот сопруг, Ванг, 19 години. Не е познато дали имале деца. Во јуни 2022 година, откако починала нејзината
Go toTop