реклама
Рускиот писател во егзил, Сергеј Лебедев вечерва во „21 Анализа“ на ТВ21 истакна дека Русија почнала да се „задева“ со Украина уште многу одамна, односно уште од Портокаловата револуција во 2004 и 2005.
„Одеднаш соседната држава Украина покажа дека е способна да ја смени владата, изрази желба да стане дел од ЕУ и да биде демократска. Мислам дека оттогаш Путин и неговата влада се исплашија дека Украина ќе биде пример за Русија. Пример за демократска смена на власта. Затоа почнаа да се мешаат во сите избори во Украина. Се сеќаваме дека Јушенко беше отруен. Веројатно се сеќавате на неговото унаказено лице. Јасно беше дека тоа е масло на Русија“, вели Лебедев.
реклама
Тој додава дека Украина јасно го избрала европскиот пат.
„Првиот пат кога руската армија ја нападна Чеченија. Рускиот генерал неколку дена пред инвазијата рече дека војната ќе заврши за 3 дена. Дека му треба само една трупа за да го порази Грозни. Русите своите непријатели не ги сметаат за живи. Мислеа дека Чеченија нема да возврати и дека веднаш ќе се предаде. Истото го мислеа и за Украинците. Да, но тоа им се врти во главите. Така им функционираат умовите. Мислат дека државата е толку голема и моќна што никој нема да ѝ се опира“, вели Лебедев.
реклама
реклама
