После овој ваш говор впечатокот е дека авторитет нема да стекнете, заради тоа што и кога предлагате ваша Влада не собравте храброст да одржите еден државнички говор. За жал. Го читавте она што ви го напишале на Бихаќка и вечерва бевте како портпарол на СДСМ од говорница на партија, на премиерот Димитар Ковачевски му порача пратеничката на ВМРО-ДПМНЕ, Ане Лашковска на денешната собраниска седница за избор на нови министри.
Таа исто така му посочи дека со претходната точка од седницата која беше за разрешување на министри само се потврди тоа што во изминатите дена ВМРО-ДПМНЕ како опозициска партија го зборува, а тоа е дека владата ќе биде “Влада купи ден помини“.
Лашковска додаде дека ќе продолжи нефункционирањето на Собранието и следствено на тоа и нефункционирање на сите други институции.
„Крајот на претходната точка од оваа седница, разрешување на министри само го потврди тоа што во изминатите десет дена како опозиција го говоревме. Слободно од денес па до крајот на функционирањето на оваа Влада таа треба да се именува „Влада купи ден помини“. Ќе продолжи нефункционирањето на Парламентот, следствено на тоа ќе продолжи нефункционирањето и на сите институции во државата, односно ќе продолжи тортурата врз државата. Имено, со влегувањето на Алијанса на Албанците во владата нема да се промени ништо. Парламентарното мнозинство останува толкаво колкаво што беше и додека Алтернатива беше во влада, се ќе биде исто како до сега“, истакна Лашкоска.
Таа додаде дека со оваа реконструкција на влада само за кратко премиерот Ковачевски си го продолжи седењето на премиерското столче.
„Со оваа реконструкција Димитар Ковачевски само за кратко си го продолжи седењето на премиерското столче и овозможува да се дореализираат криминалите кои власта веќе одамна ги има отпочнато. Како што кажа досегашниот министер за правда Тупанчевски, Ковачевски на Пазар 3 кој се одвивал во просториите на Илинденска, ги испазарил минерстствата за правда, здравство, администрација, заменичките министерски места за земјоделие и одбрана“, посочи меѓу другото Лашкоска.
ИЗВОР: kurir.mk
