КСС бара повлекување на предлог-законите за плати во јавниот сектор и за работни односи

January 30, 2023
2 mins read

Конфедерацијата на слободни синдикати (КСС) бара да се повлечат предложените закони за плати во јавниот сектор и за работни односи, со кои, според претседателот на КСС Благоја Ралповски, „се ќе биде ограничено и постоењето на синдикатите ќе нема никакво значење“. Наместо усогласување на платите, нагласи Ралповски, добиваме деградирање по сите основи со предлог законите.

-Се зборува дека ќе биде донесен до март, кога ќе треба да се усогласи со минималната плата, која според нашите пресметки треба да биде зголемена за над 2700-2800 денари, но сега наеднаш слушаме дека инфлацијата во Македонија е намалена и оти е намален процентот на зголемување на просечната плата. Очигледно е дека сакаат да го донесат дотогаш и да не се случи усогласувањето на платите согласно член 8, тие да останат на ова ниво и целиот труд на синдикатите во изминатите 10-20 години да падне во вода, рече Ралповски во одговор на новинарско прашање на прес-конференција.

Извршниот одбор на КСС на седница заклучил дека законот за плати во јавниот сектор е крајно дискриминирачки, противуставен и спротивен на конвенциите на Меѓународната организација на трудот за слободно  здружување и колективно преговарање и за колективно договарање во јавниот сектор, што се ратификувани од нашето Собрание.

-Наместо да ни се дозволи колективно преговарање како досега, таа можност ни се одзема и се прави контрола врз синдикатите и врз колективното преговарање со што се загрозува и опстанокот на синдикалното организирање во јавниот сектор. Наместо усогласување на платите ние добиваме деградирање по сите основи со овие два предлог закона, рече Ралповски, на прес-конференција.

Со законот за плати во јавниот сектор, како што укажа, сега на работодавачот му се овозможува со обичен акт да ги намали платите ако оцени дека нема пари за исплата на предвидената сума. Во корелација со новиот закон за работни односи, се предвидува колективните договори да важат само две години, наместо како досега нивната важност да биде се до потпишување нови.

-Она што го имаме стекнато како право по коефициенти на сложеност на работно место по стручност и образование веќе нема да важи и се дава во рацете на неколку министри. Предвестие на ова беше Протоколот што го донесе  Министерството за труд и социјална политика каде бараше  сите колективни договори да  бидат контролирани од Министерството за финансии. Очигледно со овој закон сака да се легализира оваа одредба, рече Ралповски.

Посочувајќи дека изминатиот период не беше направено усогласувањето на платите со минималната плата, истакна дека со донесената одредба во Законот за административни службеници со која се вметнала социјална категорија – минималната плата и административните и јавните службеници сега земаат плата според таа категорија, а не според образование и ниво.

– Целиот овој обид за непочитување на законите сега во согласност со овие два закони ги гледаме напишани и сакаат да ги легализираат сите дивоградби и да се амнестираат од сите прекршувања на законите. Ова не води кон реформа на јавниот сектор, туку кон уште поголемо деградирање на вработените во јавниот сектор и кршење на Уставот. Ова води кон клиентелистички пристап на јавниот сектор во 21-от век,  каде одредени категории вработени кои ќе бидат блиски до власта ќе земаат поголеми плати, а други не. За вакви реформи не разговаравме пред пет-шест години, но очигледно некој решил да го одземе правото на преговарање и правата на работниците што се стекнати не само за гранските колективни договори  туку и за оние на ниво на работодавач, наведе Ралповски.

Тој побара да бидат повлечени законите, пред се тој за плати во јавниот сектор и со дискусија со синдикатите да се донесе „соодветно решение“.

-За ваков закон е потребен широк консензус и многу работа за да се усогласат сите колективни договори, коефициенти на сложеност и сите работни места во јавниот сектор, а во тоа треба да бидат вклучени сите чинители, а не да се стави на маса пред свршен чин и да се дебатира во јавноста која очигледно е многу малку заинтересирана за ова деградирање на Уставот, посочи Ралповски.  (МИА)

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Израелските војници убија Палестинец на Западниот Брег

Следно

Брисел: Речиси 40 отсто од онлајн-продавниците користат манипулативни техники

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop