Кои сè високи украински функционери останаа без своите државни позиции

January 24, 2023
2 mins read

По низата оставки на високи функционери од украинската администрација, портпаролката на Европската комисија, Ана Писонеро, изјави дека како дел од процесот на проширување, во кој сега се наоѓа Украина, се очекува таа да ја зајакне својата борба против корупцијата

Неколку високи државни функционери од Украина денеска си поднесоа оставки, откако украинскиот претседател Володимир Зеленски претходно најави дека неговата влада ќе биде подложна на кадровски смени и отпуштања од најниско до највисоко ниво поради наводите за корупција.

Првиот што поднесе оставка беше Кирило Тимошенко, заменик-шеф на канцеларијата на украинскиот претседател, кој ја надгледуваше регионалната политика и претходно работеше на изборната кампања на Зеленски.

Во објава на Телеграм, тој утринава му се заблагодари на украинскиот претседател за довербата и за можноста, како што вели, за правење добри дела секој ден и секоја минута. Тимошенко не ја наведе причината за оставката, но беше обвинет од украинските истражувачки медиуми оти користел неколку скапи спортски автомобили во текот на војната.

Оставка од својата функција си поднесе и заменик-министерот за одбрана Вјачеслав Шаповалов, по извештаите дека Министерството купувало храна по два до три пати повисоки цени од просечните, што, како што објавија украински медиуми, укажува на можна корупција.

Министерството ги отфрли обвинувањата за корупција, a ресорниот министер Олексиј Резников рече дека надуените цени се резултат на техничка грешка на добавувачот. Веднаш потоа оставка на функцијата поднесе неговиот заменик Вјачеслав Шаповалов, кој беше одговорен за набавките во Министерството.

Денеска, како што јави Би-би-си, беа разрешени голем број други високи функционери, вклучувајќи ги:

  • Заменик-главниот обвинител Олексеј Симоненко;
  • Заменик-министерот за развој на заедниците и териториите Иван Лукерју;
  • Заменик-министерот за развој на заедниците и териториите Вјачеслав Негода;
  • Заменик-министерот за социјална политика Виталиј Музиченк;
  • И регионалните гувернери на Днепропетровск, Запорожје, Киев, Суми и Херсон.

Советникот на украинскиот претседател Михајло Подољак изјави дека денешните разрешувања покажале оти Зеленски реагирал на „клучното барање на јавноста“, додавајќи дека правдата важи за сите.

„Кадровските решенија на Зеленски сведочат за клучните приоритети на државата. Претседателот го гледа и слуша општеството и директно одговара на клучното барање на јавноста – правда за сите“,

рече Подољак.

Во меѓувреме, по низата оставки на високи функционери од украинската администрација, портпаролката на Европската комисија, Ана Писонеро, изјави дека како дел од процесот на проширување, во кој сега се наоѓа Украина, се очекува таа да ја зајакне својата борба против корупцијата. Таа додаде дека Комисијата ќе ги оцени напорите на земјата за борба против корупцијата во следниот годишен извештај за напредокот на земјата кон ЕУ, што треба да излезе есенва.

Во своето неодамнешно обраќање до јавноста, украинскиот претседател Володимир Зеленски најави отпуштања од највисоко до најниско ниво во неговата администрација – потег кој следи по сериозните обвинувања за поткуп од почетокот на руската инвазија пред една година

Неговите коментари уследија по апсењето на заменик-министерот за инфраструктура на Украина, Васил Лозински, под сомнение дека примил поткуп во вредност од над 350 000 долари за увоз на агрегати за електрична енергија, што министерот го негираше.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

„Паркови и зеленило“ со акција за уредување на вегетацијата на булевар „Партизански одреди“

Следно

Двајца загинати и двајца повредени во пожар во станбен објект на Ерменската католичка црква во Истанбул

Latest from Blog

Општина Битола со признание „Младински пријателски град“ за 2026 година

Општина Битола е добитник на националното признание „Младински пријателски град“ за Пелагонискиот регион за 2026 година, со што е потврдена нејзината посветеност на унапредувањето на младинските политики и создавањето подобри услови за

Тоневски: Пробиштип продолжува со вложувања во комуналната инфраструктура

Во населбата Драч во селото Ратавица се изведуваат градежни работи за изградба на два канализациски крака, информира градоначалникот на Општина Пробиштип, Тони Тоневски. Проектот се финансира со средства од Министерството за транспорт,

Божиновска: Македонија активно ги следи глобалните процеси за енергетска транзиција

Министерката за енергетика, рударство и минерални суровини, Сања Божиновска, ќе биде дел од државната делегација на Република Северна Македонија, предводена од претседателката Гордана Сиљановска-Давкова, која од 10 до 13 ноември 2026 година

Николоски: Го зајакнуваме стратешкото партнерство со Обединетото Кралство

Заменик  претседателот на Владата, Александар Николоски денеска оствари работна средба со новоименуваната амбасадорка на Обединетото Кралство, Маја Сивањанам. Во фокусот на средбата беше стратешкото партнерство меѓу Македонија и Обединетото Кралство, унапредување на

По примерот на ЕУ и Велика Британија, дали Македонија ќе отвори пат за стратешки рударски проекти?

Велика Британија треба да го следи примерот на Европската Унија и да воведе модел за означување и поддршка на стратешки рударски проекти, оценува парламентарната Комисија за бизнис, иновации, наука и трговија. Во
Go toTop