Кина повика на дипломатски напори по одлуката на Русија да стационира тактичко нуклеарно оружје во Белорусија

March 27, 2023
1 min read

ИСТАНБУЛ (АА) – Кина денес повика на „дипломатски напори“ кон мирно решавање на украинската криза, откако Русија ги соопшти своите планови за стационирање тактичко нуклеарно оружје во Белорусија, јавува Анадолу.

„Во сегашната ситуација, релевантните страни треба да се фокусираат на дипломатските напори кон мирно решение на украинската криза и заеднички да се залагаат за ставање крај на тензиите“, изјави за новинарите во Пекинг портпаролката на кинеското Министерство за надворешни работи, Мао Нинг.

Со потег што сигурно ќе поттикне понатамошни тензии во Украина и кај нејзините западни сојузници, Русија ќе ја заврши изградбата на специјални капацитети за складирање тактичко нуклеарно оружје во соседна Белорусија, истакна во саботата рускиот претседател Владимир Путин.

Русија веќе ѝ го предаде на Белорусија комплексот „Искандер“, во кој може да се складира нуклеарно оружје, рече Путин.

Портпаролката Мао потсети дека петте држави со нуклеарно оружје издадоа заедничка изјава во јануари 2022 година за спречување нуклеарна војна, објави кинескиот дневен весник „Глобал тајмс“.

Според Путин, неговиот белоруски колега Александар Лукашенко одамна го има отворено прашањето за распоредување руско тактичко нуклеарно оружје во Белорусија, кое таму го нема од раните 1990-ти години, со падот на СССР.

„Со Лукашенко се договоривме дека ќе поставиме тактичко нуклеарно оружје во Белорусија без да го нарушиме режимот за неширење на [нуклеарното] оружјето“, рече Путин.

„САД одамна поставија такво оружје во неколку земји, така што нема ништо необично во барањето на Белорусија“, додаде Путин.

Путин потоа истакна дека Русија распоредила 10 авиони, сите во можност да носат тактичко нуклеарно оружје во Белорусија.

„Десет авиони се подготвени да користат ваков тип оружје. Веќе го префрливме во Белорусија нашиот добро познат, многу ефикасен комплекс ‘Искандер’, кој може да биде и носач (на тактичко нуклеарно оружје)“, рече рускиот претседател.

„Москва ќе започне со обука на персонал на почетокот на април“, истакна Путин и додаде дека Русија ќе ја заврши изградбата на складиште за тактичко нуклеарно оружје во Белорусија до 1 јули и дека контролата на оружјето нема да биде префрлена на Минск.

Откако Русија ја започна војната во соседна Украина пред 13 месеци, западните лидери и аналитичари изразија загриженост дека Москва би можела да го направи конфликтот нуклеарен, врз основа на изјавите на руската страна.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Три лица уапсени за дрога во Скопје

Следно

Париз: Демонстрантите против пензиската реформа го блокираа влезот во музејот Лувр

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop