Канада веќе најави дека ќе донира осум од своите тенкови „леопард 2“, кои треба да пристигнат во Украина во наредните недели
Канада ќе испрати приближно 8 000 парчиња артилериска муниција и десетина проектили за противвоздушна одбрана како дел од најновата воена помош за Киев, соопшти канадското Министерство за одбрана. Канада ќе ѝ испрати на Украина повеќе од 1 800 парчиња муниција за обука за борбени тенкови „леопард 1“ донирани од Данска, Германија и Холандија.
Либералната влада на премиерот Џастин Трудо, еден од најгласните меѓународни поддржувачи на Украина, испрати воена помош во Киев во вредност од околу 730 милиони долари од почетокот на руската инвазија минатата година.
Канада веќе најави дека ќе донира осум од своите тенкови „леопард 2“, кои треба да пристигнат во Украина во наредните недели, соопшти Министерството.
Фото: EPA-EFE/SERGEY DOLZHENKO
Извор: 360stepeni.mk
