Како лобистите од појадокот направија најважен оброк во денот

January 19, 2023
1 min read

Сè до неодамна, еден од ретките консензуси во „општата култура“ беше канонот дека појадокот е најважниот оброк во денот. Некои од новите истражувања покажаа дека прескокнувањето на појадокот нема врска ни со здебелувањето, ни со здравствени проблеми ниту пак е причина за послаби дневни перформанси. 

Стравопочитта кон појадокот влече корен од доцниот 19-ти век и е во режија на мала група верски фанатици и корпоративни лобисти. Претходно, немало листа на препорачани јадења, и обично за појадок се јадело тоа што имало: остатоци од вечерата, јајца, сувомеснато. 

Мудрувањата околу тоа што е најдобро да се јаде за појадок, започнуваат од крајот на 19-тиот век и индустриската револуција. Со промената на дејноста меѓу населението и преселбата од нива во канцеларија или фабрика, на обилниот појадок почнало да се гледа како на нешто кое ја попречува максималната продуктивност. Напорната работа како морален императив, според авторката на Three Squares: The Invention of the American Meal, игра важна улога во начинот на кој “да се појадува нешто лесно“ станало своевиден идеал. 

Величењето на појадокот коинцидира и со отворањето на првите санаториуми на адвентистичката црква, каде служеле житарици за доручек, што во комбинација со вегетаријанството наводно биле гаранција за добро здравје.

Првиот корнфлекс е создаден од Џејмс Калеб Џексон, а познатиот бренд Келог, исто така излезен од санаториум е дело на Џон Харви Келог. Џексон бил проповедник, а Келог длабоко религиозен човек кој верувал дека мастурбацијата е најголемото зло, и дека против тоа зло можеме да се бориме ако јадеме овесни снегулки. 

Освен максимизацијата на работните перформанси и усогласување со религиозните учења, за појадокот доста „одработела“ и комерцијалната пропаганда. Компаниите за производство на житарици ги промовирале своите производи како уште поздрави, откако во 40-тите ги збогатиле со витамини, а играле и на картата на мајчинска грижа продавајќи ги како совршен доручек за нивните деца. Во тоа време жените сè помасовно влегуваат на пазарот на трудот па требало да им се понуди нешто кое можат набрзинка да им го принесат на децата пред да одат на работа.

Комбинацијата од религиозна морализација и рекламирање помогна да се поттикне идејата за појадокот како најважен оброк во денот, меѓутоа неа ја бетонираше кампањата за продажба на сланина.

Пропагандниот гениј Едвард Бернајс, патем внук на Зигмунд Фројд, ги проучил актуелните здравствени стравови и релгиозни попувања околу појадокот за да ѝ помогне на компанијата која го ангажираше да ја истурка нивната сланина.

Бернајс набавил ЕДНА потврда од лекар дека обилниот појадок со сланина и јајца е подобар од лесниот појадок, и ја пратил на потпис кај 5.000 лекари ширум САД. 

Потоа убедува еден весник резултатите од неговата петиција да ги објават како „научна студија“ и потоа таа „медицинска препорака“ ја користи како столб на кампањата.

Токму на тој начин, појадокот доби на тежина.

ИЗВОР: off.net.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Свечља: Србија го прекрши договорот за регистарските таблички на автомобилите

Следно

Уапсени четворица разбојници во Шуто Оризари

Latest from Blog

18 години од загинувањето на Тоше Проески

На годишениот маратон во чест на Тоше учество зедоа 14 учесници Нив ги пречекаа учениците и грагани од Крушево, кои со рози на главната улица во градот, им посакаа добредојде. Во Крушево

Официјалната истрага утврди дека подморницата „Титан“ имплодирала поради лоша конструкција

Во несреќата загинаа сите пет лица на подморницата, вклучувајќи го и директорот на „Оушенгејт“, Стоктон Раш. Според извештајот на Националниот одбор за безбедност на сообраќајот (NTSB), процесот на развој на инженерството на

Вучиќ: Србија е заинтересирана за руската вакцина против онколошки заболувања

„Србија е заинтересирана за овој најнапреден вид терапија и потенцијалната соработка во оваа област со нашите руски партнери претставува огромен чекор кон подигнување на стандардите за дијагностика и лекување во нашата земја“,

ФИФА: На САД и на претседателот Трамп е да одлучат околу градовите домаќини на Мундијалот

Претседателот на САД, Доналд Трамп неделава изјави дека многу лесно може да се случи, тој лично да донесе одлука да бидат променети градовите домаќини на претстојниот Мундијал 2026 година на кој што

Хамас го обвини Израел за кршење на примирјето

Висок функционер на Хамас го обвини Израел за кршење на примирјето, велејќи дека израелските сили убиле најмалку 24 лица во вооружени инциденти од петокот, додавајќи дека список на такви прекршувања им е
Go toTop