На 27 август 2021 година, доктор Скот Готлиб – директор на Фајзер со над 550.000 следбеници на Твитер – здогледува твит што не му се бендисува, твит што може да ја наруши продажбата на МРНК вакцините на Фајзер.
Твитот точно објаснува дека природниот имунитет по инфекцијата со ковид е супериорен во однос на заштитата од вакцини, ги повикува властите да ја следат науката и да ги ослободи луѓето со природен имунитет од претстојните задолжителности за вакцинирање.
Твитот не доаѓа од некој анти-ваксер туку од доктор Bрет Жироа, лекар кој накратко го наследува Готлиб како прв човек на Агенцијата за храна и лекови. Самиот твит и ги охрабрува луѓето кои немаат природен имунитет да се вакцинираат.
Не менува тоа ништо. Продажбата на вакцини е во прашање.
Не само што е екс директор на Агенцијата и редовен експерт на НБЦ, Готлиб е висок член на одборот на Фајзер, компании на која над половина од профитот од 81 милијарда долари во 2021 ѝ дојде од вакцините. Истата година, за ангажман во одборот, Фајзер го плаќа Готлиб 365.000 долари.
Тој веднаш по меил го контактира Тод О Бојл од Твитер, човек кој бил „офицер за врска“ со Белата куќа. Му пишува дека твитот е „корозивен“ и дека „може да заврши вирално и да предизвика лавина од медиумски стории“.
А тоа не е добро за продажбата на вакцините на Фајзер.
Иако надлежниот сектор на Твитер не нашол прекршување на правилата за дезинформации, твитот на Жироа сепак бил обележан како “misleading”, односно заведувачки.
И така тоа сознание не стана вирално, не предизвика лавина од медиумски стории и не се слушна широко дека на оние со природен имунитет не им е потребна вакцина па таа остана задолжителна за сите.
А тоа веќе е добро за продажбата на вакцините.
ИЗВОР: off.net.mk
