Уставните сидии, Осман Кадриу и Насер Ајдари, нема да учествуваат во работата на Уставниот суд, во среда наредната недела, кога на седница ќе биде Законот за албанскиот јазик. Отсуството го најавија со образложение дека ќе бидат надгласани. Уставниот суд треба да донесе отлука дали некои одредби од Законот се уставни или, пак, не.
Кадриу за медиумите рече дека ‘за нив не е разумно да се дел од мнозинство што ќе донесе одлука во врска со прашања од албански национален карактер’. Двајцата судии беа именувани од Собранието кога ДУИ беше власт во земајва.
Од Уставниот суд засега немаат коментари за одлуките на двајцата колеги. ниту пак за нивните ставови поврзани со Законот за уптреба на јазиците. Инаку Кадриу и Ајдари беа именувани од Собранието, во времето кога ДУИ беше владејачка партија.
ДУИ во изминатиот период предупредува дека не е ‘правно’ да биде укината која било одредба од Законот за употреба на јазиците и тоа ќе претставува ‘директен удар врз стабилноста и мирот на државата’.
Во партиското соопштение на интегративците пишува дека Законот за јазиците е производ на сложен компромис, постигнат по години на макотрпни преговори и претставува темел на меѓуетничката еднаквост и взаемната почит.
„Одлука која би го загрозила овој закон би претставувала тешко кршење на Охридскиот договор и враќање назад кон неизвесна и нестабилна иднина“, наведуваат од ДУИ во соопштението“, пишува во партиското соопштение.
Премиерот, Христијан Мицкоски смета дека не постои опасност по безбедноста на државата.
„Не постои опасност по безбедноста, ниту некогаш сме дозволиле да постои. Сме предупредувале дека има обиди да се наруши безбедноста и ова е еден од тие обиди. Има некои места каде што се состануваат поединци кои сакаат да направат безбедносна тензија. Ние како држава и Влада ќе сториме се за да гарантираме безбедност“, рече Мицкоски.
Предметот за Законот за јазиците е оформен во 2019 година. Составен од 13 иницијативи од различни граѓани, политички партии, здруженија. Против одредени одредби во Законот за јазиците негативно се произнесе и Венецијанската комисија.
ИЗВОР: racin.mk
