ТОКИО (АА) – Во Јапонија во тек се подготовките за Самитот на Групата седум богати индустриски земји (Г7), кој ќе се одржи во Хирошима, јавува Анадолу.
Јапонскиот премиер Кишида Фумио ја посети областа каде што se планира да се одржи Самитот за да го види напредокот на подготовките.
Самитот ќе се одржи од 19 до 21 мај во хотелот „Гранд принц“ во југозападниот крајбрежен град Хирошима.
Јапонскиот премиер го посети градот и ги надгледуваше безбедносните сили околу хотелот во кој ќе се одржи Самитот. Тој нареди приоритет да бидат мерките против тероризам.
„Како земја домаќин, должност на Јапонија е да обезбеди безбеден и непречен тек на историскиот Самит. Успехот или неуспехот на настанот почива на вашите рамена“, рече Кишида.
Тој рече дека, со оглед на моментната меѓународна ситуација, тоа ќе биде „најважниот“ Самит во историјата на Јапонија.
Во својата улога како претседавач со Г7 во 2023 година, Јапонија има цел да ги зајакне своите билатерални и регионални односи.
Извор: www.aa.com.tr
