КУДС (АА) – Тројца Палестинци загинаа, додека 3 лица се повредени, од кои едно тешко, за време на рацијата извршена од страна на израелските сили во бегалскиот камп „Балата“ што се наоѓа во источниот дел на Наблус, пренесува Анадолу.
Според информациите добиени од локалните извори, израелските сили во ноќните часови со булдожери и воени возила извршиле упад во кампот.
Во писменото соопштение на палестинското Министерство за здравство се наведува дека како резултат на отворениот оган од израелските сили загинале тројца Палестинци, Мухамед Билал Зејтун, Фетхи Ебу Ризк и Абдула Ебу Хамдан.
Во ова соопштение се нагласува дека во рацијата на израелските сили се повредени три лица, од кои едното е тешко повредено.
Се истакнува дека израелските сили ги спречиле амбулантните возила на палестинската Црвена полумесечина да влегуваат во кампот.
Извор: www.aa.com.tr
