НАБЛУС (АА) – Израелските сили ранија шестмина Палестинци во рамките на рацијата што ја спроведоа во градот Наблус во окупираниот Западен Брег, пренесува Анадолу.
Според информациите добиени од очевидците, израелските војници извршиле рација во зона во источниот дел на Наблус, со цел да им се овозможи на еврејските доселеници да ги извршат своите верски ритуали во подрачјето.
Младите Палестинци реагираа на оваа практика, при што настанал судир меѓу нив и израелските сили.
Израелските сили употребија солзавец, како и вистински и гумени куршуми, додека Палестинците го затворија патот каде што минуваа воени возила, фрлаа камења и молотови коктели, а запалија и гуми.
Во соопштението на палестинската Црвена полумесечина се вели дека во безредијата се повредени шестмина Палестинци, а тројца од нив се ранети со вистински куршуми.
За време на интервенцијата на израелските војници, 52 лица се погодени од влијанието на солзавецот.
Еврејските доселеници често упаѓаат во оваа зона под заштита на израелската војска, со цел да извршуваат верски ритуали.
Извор: www.aa.com.tr
