ГАЗА (АА) – Најмалку 20 Палестинци се убиени, а десетици се ранети во бомбардирањето на израелската војска на населено подрачје во бегалскиот камп Нусејрат во централниот дел на Појасот Газа, пренесува Анадолу.
Палестинската новинска агенција ВАФА објави дека израелската војска извршила бомбардирање на населено подрачје во бегалскиот камп.
Во израелскиот напад се убиени најмалку 20 Палестинци, воглавно деца и жени, а на десетици се повредени.
Здравствени извори објавија дека во првите часови по бомбардирањето екипите на Итната помош и Цивилната заштита стигнале до телата на 20 убиени Палестинци, а во тек се напори за извлекување и на луѓето заглавени под урнатините.
Израел започна брутална воена офанзива врз Појасот Газа со неселективно бомбардирање на цивилни населби, училишта, верски објекти и болници по нападот на палестинската група Хамас на 7 октомври.
Во израелските напади на Појасот Газа се убиени над 35.386 Палестинци, воглавно деца и жени, а 79.366 се повреди во услови на масовното уништување и големиот недостиг на неопходни средства за живот.
Израел воведе целосна блокада на Појасот Газа, оставајќи го неговото население, особено жителите на северна Газа, на работ на гладување.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарна помош за цивилите во Газа.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.
Извор: Anadolu Agency (AA)
