РАМАЛА (АА) – Израелските сили денес извршија рација во три менувачници во Рамала, во централниот окупиран Западен Брег, по што ги затворија, јавува Анадолу.
Според очевидци, израелската Армија извршила рација во градовите Рамала и Ал-Бирех и вовела полициски час во неколку населби.
Израелските сили упаднаа и во три менувачници во Рамала, откако ги детонираа нивните врати и оставија порака во која ги предупредуваат сопствениците да не ги отвораат повторно.
Менувачниците низ градовите на Западниот Брег се на нишан на израелските рации во последните месеци, при што израелските сили запленија средства под тврдење дека припаѓаат на палестинската група Хамас.
Израелската Армија утринава изврши рација на неколку области низ Западниот Брег за да уапси Палестинци.
Во текот на изминатите неколку години, израелската Армија спроведуваше редовни рации на Западниот Брег, кои ескалираа со почетокот на војната во Газа на 7 октомври 2023 година. Палестинците, исто така, беа нападнати и од нелегалните израелски доселеници.
Најмалку 809 Палестинци оттогаш се убиени, а над 6.450 други се повредени од страна на израелската Армија на окупираната територија, според Министерството за здравство.
Извор: Anadolu Agency (AA)
