Европската филмска академија ќе ѝ додели награда за животно дело на италијанско-американската актерка Изабела Роселини на годинашните Европски филмски награди на 7 декември во Луцерн. На овој начин на 72-годишната Роселини ќе ѝ се оддаде почит за нејзините постигнувања во светската кинематографија.
Роселини пораснала во Рим и Париз, пред да се пресели во Њујорк на 19 години, каде што прво работела како новинарка и манекенка.
Како актерка дебитирала во 1976 и нејзината кариера трае до денес, остварувајќи повеќе од 100 улоги на филм и телевизија. Големиот пробив го имаше со филмот „Бели ноќи“ од 1985, а потоа имаше главна улога во култниот филм „Син сомот“ на Дејвид Линч. Во кариерата била номинирана за Еми и Златен глобус.
ИЗВОР: sdk.mk
