Италијанската влада ќе забрани производство или продажба на храна од лабораторија или сточна храна, со казни до 60.000 евра и можност за присилно затворање на компанијата.
„Италија е првата држава која рече не на синтетичката храна, за која веруваме дека не гарантира здравје, квалитет или заштита на нашата култура и традиција,“ порачал министерот за земјоделие, Франческо Лолобриџида.
Италија месецов исто така најави дека ќе го забрани и користењето на брашно од бубачки за пици и паста, кое беше дозволено од Европската Унија.
Оправдувањето што стандардно се користи за туркање на вештачкото месо е дека тоа ќе ја намали потребата од крупен добиток, а со тоа и загадувањето од нив.
Анкета спроведена од Колдирети, сточарската лоби група, покажала дека 84% од испитаниците биле против месото од лабораторија, а до сега над 500.000 лица ја имаат потпишано петицијата против оваа технологија.
ИЗВОР: off.net.mk
