Ирак упати протестна нота до Иран по нападите на Ербил

ЕРБИЛ (АА) – Ирачкото Министерство за надворешни работи го повика иранскиот вршител на должност во Багдад и му упати протестна нота по нападите на Иранската револуционерна гарда врз Ербил со балистички проектили, пренесува Анадолу.

Во протестната нота на ирачкото МНР остро се осудуваат нападите врз Ербил, објави ирачката државна агенција ИНА.

Во соопштението на Советот за безбедност на КРГ се наведува дека синоќешните напади, во кои загинале четворица цивили, а биле повредени шест лица, војската на Иранската револуционерна гарда ги извршила со многу балистички проектили врз повеќе цивилни населби во Ербил.

Се наведува дека меѓу загинатите во нападите се и ирачкиот бизнисмен Пешрев Дизеји и неговото едногодишно бебе.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.