И Зеленски потврди: Започнаа контраофанзивните акции на Украина

Путин вчера оцени дека украинските сили нема да ги постигнат целите и ќе трпат загуби

И украинскиот претседател Володимир Зеленски денеска потврди дека започнала долгоочекуваната контраофанзива на Украина против Русија.

„Се случуваат контраофанзивни и одбранбени акции“,

рече украинскиот претседател во саботата.

Сепак, тој додаде дека нема да зборува детално за тоа во која фаза е контраофанзивата.

Она што е познато е дека украинските сили напредуваат на истокот на земјата, кај градот Бахмут, и на југот, во близина на Запорожје.

Ваквиот податок пред неколку дена го потврди и заменик-министерката за одбрана на Украина Хана Малијар.

И рускиот претседател Владимир Путин вчера во интервју исто така зборуваше за контраофанзивата на украинските сили велејќи дека може да се каже дека таа започнала, но и оти Украинците нема да ги постигнат своите цели и ќе трпат големи загуби.