БЕЈРУТ (АА) – Движењето Хезболах истрела проектили од иранско производство врз воената база што ја посети израелскиот министер за одбрана Јоав Галант, пренесува Анадолу.
Во соопштението на Хезболах се наведува дека со проектил Буркан погодена е израелската база Бранит, во која е сместена 91-та бригада.
Министерот Галант ја посети 91-та бригада во базата во северен Израел, објави „Тајмс оф Израел“, а либанските медиуми објавија дека Хезболах ја нападнал базата со проектилот Буркан непосредно откако Галант ја напуштил локацијата.
Нема информации дали има загинати или повредени во нападот.
Извор: Anadolu Agency (AA)
