Во среда Арсенал го пречекува Манчестер Сити во меч од Премиерлигата, а тоа ќе биде дуел меѓу двата најголеми конкуренти за титулата во Англија, а Халанд можеби нема да биде дел од него.
На натпреварот против Астон Вила, Халанд од игра беше повлечен на полувремето поради болка во ногата.
„Ерлинг имаше удар, се чувствуваше неудобно. На полувремето зборував со докторите. Можеби со ваков резултат подобро е да не ризикуваме ми рекоа тие, јас се согласив. Ако беше тесно, можеби немаше да го извадам. Не мислам дека е повреден, но во понеделник ќе направиме тестови и ќе видиме. Се надевам дека ќе биде подготвен за во среда. Но ако не е подготвен или ако има некој ризик, тогаш нема да игра“, рече Гвардиола.
Арсенал е прв на табелата со три бода повеќе од Манчестер Сити, топчиите има и натпревар помалку од ривалот.
ИЗВОР: kurir.mk
