Гутереш: Исчезнува напредокот за правата на жените

March 7, 2023
2 mins read

САРАЕВО (АА) – Генералниот секретар на Обединетите нации, Антонио Гутереш, на состанокот на Комисијата за статусот на жените (CSW) предупреди дека состанокот се одржува во време кога исчезнува напредокот за правата на жените, јавува Анадолу.

Со седницата претседаваше јужноафриканската амбасадорка Мату Џоини, која во своето воведно обраќање нагласи дека новите дигитални технологии носат големи предизвици во областа на родовата рамноправност.

„Родовата дискриминација е системски проблем што е вткаен во нашиот политички, општествен и економски живот, а и технолошкиот сектор не е ништо поинаков. Меѓутоа, овој проблем се влошува кога ќе ги земеме предвид многуте фактори кои влијаат и ја влошуваат оваа инхерентна дискриминација“, рече Џоини.

Гутереш напомена дека ЦСР (CSR – Корпоративна општествена одговорност) се состанува во време кога напредокот за правата на жените исчезнува – на пример во земјите како што е Авганистан, каде жените и девојките ефективно се бришат од јавниот живот.

„Вашиот фокус оваа година на затворањето на јазот меѓу половите во технологијата и иновациите не можеше да дојде во подобро време, бидејќи додека технологијата напредува, жените и девојките се оставени“, рече Гутереш, додавајќи дека без креативноста на половината од популацијата, човештвото во науката и технологијата ќе искористи само половина од својот потенцијал.

Бидејќи родовата нееднаквост на крајот претставува прашање на моќ, генералниот секретар на ОН повика на итна акција во три области – образование, приходи и вработување.

Гутереш рече дека меѓународната заедница мора да создаде безбедно дигитално опкружување за жените и девојчињата. Вo врска со тоа, ОН работат на имплементација на кодексот на однесување за интегритет на информациите на дигиталните платформи, кој има за цел да ги намали штетите и да ја зголеми одговорноста.

„На светот му е потребна експертизата на жените за решавање на сложените и меѓусебно поврзаните кризи, како што се климатските промени, судирите, сиромаштијата, гладот и недостатокот на вода“, рече Чаба Кереши, претседател на Генералното собрание на ОН.

Кереши истакна дека жените претставуваат помалку од 35 % од глобалната работна сила во областа на информатичко-комуникациската технологија.

„Жените имаат 20 отсто помалку шанси да го користат интернетот од мажите, но 27 пати почесто доживуваат вознемирување и говор на омраза додека го користат“, рече Кереши.

Сима Бахус, извршната директорка на „УН вимен“ (UN Women), додаде дека дигиталната револуција нуди можности без преседан за подобрување на животот на жената и девојчињата во време кога напредокот кон одржливиот развој е загрозен.

„Технологијата и иновациите што ефикасно се користат можат да бидат промени што ќе ја забрзаат борбата против сиромаштијата, ќе ја намалат гладта, ќе го подобрат здравјето, ќе отворат нови работни места, ќе ги ублажат климатските промени, ќе стават крај на хуманитарните кризи, ќе го подобрат пристапот до енергијата и ќе ја зголемат безбедноста и одржливоста, од што ќе имаат корист жените и девојчињата“, истакна Бахус.

ЦСР се состанува од 1946 година, а оваа сесија е прва во живо од 2019 година, и ќе трае до 17 март (петок), а покрај пленарната седница, ќе се одржат и неколку придружни настани.

Во посебна секција младите ќе разговараат за приоритетни теми, ќе се одржи годишен дијалог на генералниот секретар на ОН со женските и феминистичките групи на цивилното општество, форум на млади, каде особен акцент ќе се стави на гласот на народните маси и заедници, а ќе се дискутира и за промоција на социјалните, економските и политичките права на жените и девојчињата во Авганистан.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Од омраза кон Трамп Си-ен-ен не ја истражувал теоријата за протекување на ковид од лабораторија

Следно

Нови пристапни патеки во Скопје Север и паркинг места во Бутел 2

Latest from Blog

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,
Go toTop