Градоначалникот на општина Бутел, Дарко Костовски денеска ја започна реализацијата на еден од најголемите инфраструктурни проекти во населбата Визбегово, со што започна целосната реконструкција на УЛИЦАТА 1, една од главните артерии што води до новото општинско основно училиште „ВИЗБЕГОВО“ .
Овој пат со должина од над 700 метри заедно со своите краци е еден од најголемите неасфалтирани патишта во оваа населба. Проектот за реконструкција опфаќа механички ископи, нивелирање, поставување тампон и асфалтирање на повеќе од 2100 m³, обезбедувајќи модерни и безбедни услови за жителите и учениците кои го посетуваат училиштето.
Градоначалникот Костовски во оваа прилика рече дека овој проект е дел од неговата заложба за еднаков развој на сите населени места во општина Бутел.
„Со реконструкцијата на овој пат ќе се реши еден од главните сообраќајни проблеми во населбата Визбегово, со што полесно и побезбедно се доаѓа до новото училиште. Продолжуваме да инвестираме за да го подобриме животот на секој граѓанин во нашата општина. Уште едно големо ветување дадено на граѓаните на Визбегово денес започнуваме да го реализираме. Денес започнуваме со реконструкција на една од најголемите неасфалтирани улици во Визбегово, улица 1. Улица заедно со нејзините краци во населеното место Визбегово е една од најголемите неасфалтирани улици во должина од над 700 метри. Улица е една од улиците која води до ново општинско основно училиште “Визбегово”. Со реконструкцијата ќе се опфати машинско копање, рамнење и поставување на нов тампон и нов асфалт на над 2100 м3. Со реконструкција на оваа улица ќе биде решен еден од најголемите проблеми со пристапување до новото општинско училиште. Еднаков рамномерен развој на општина Бутел. Инвестираме во сите населени места!“ напиша Костовски на својата официјална Фејсбук страница.
Жителите на Визбегово ја поздравија оваа иницијатива, сметајќи дека е важен чекор кон модернизирање на инфраструктурата и подобрување на животниот стандард во нивното подрачје.
