Градежна офанзива во Општина Бутел: Ќе се асфалтираат улици и ќе се градат рекреативни центри

Градежната офанзива во општина Бутел е во полн ек. Од почетокот на годината се асфалтираа 15 улици кои беа опфатени со првата фаза, а наскоро ќе започне и втората фаза со уште 15 улици.

-Во моментот се гради новиот спортско рекреативен центар „Го Сакам Бутел“, а наскоро ќе се започне со уште два, спортско рекреативен центар „Бранители“ во населеното место Љуботенски пат и спортско рекреативниот центар „Ударници“ во населеното место Бутел 1 на улица Бетовенова. Наскоро општина Бутел ќе добие и свој плоштад „Слобода“ веднаш позади општината.

Во наредните денови ќе се распише тендерската документација за уредување на речното корито на река Серава, најави градоначалникот Дарко Костовски.