КЕЛН (АА) – 16-годишен тинејџер во Германија го загуби животот на пат кон училиште откако беше застрелан од неговиот 81-годишен сосед Италијанец, пренесува Анадолу.
Во соопштението што го објави Обвинителството се вели дека во вторникот во местото Брамше, во подрачјето на градот Оснабрик, животот го загубило момче кое било тешко рането во главата при вооружен напад од страна на неговиот сосед Џузепе Дел Б.
Во соопштението се наведува дека напаѓачот по инцидентот се повредил во обид да се самоубие, но дека не е во животна опасност.
Во вестите објавени во локалните медиуми се вели дека постои сомневање дека напаѓачот пукал во момчето бидејќи бил вознемирен од бучавата.
Момчето кое го загуби животот било по потекло од Албанија.
Во тек е истрага во врска со инцидентот.
Извор: www.aa.com.tr
