Неколку германски претставници разговарале со Министерството за надворешни работи на Катар за можното купување на 15 тенка „гепард“, кои Доха ги купи за да го обезбеди стадионот на Светското првенство
Германската влада одобри испорака на тенкови „леопард 1“ во Украина од индустриски залихи и е во преговори за купување на 15 тенка „гепард“ од Катар кои ќе бидат испратени во Киев, објави синоќа „Зидојче цајтунг“.
Испораката на „леопардите“ во Украина може да се случи во секое време по поправка на тенковите, пишува германскиот весник, повикувајќи се на владини извори. Германските компании „Рајнметал“ и ФФГ сакаат да обноват десетици тенкови „леопард 1“, кои би можеле да ги испорачаат во Украина доколку Киев е подготвен да ги купи, се додава во објавата на весникот.
Неколку германски претставници разговарале со Министерството за надворешни работи на Катар за можното купување на 15 тенка „гепард“, кои Доха ги купи за да го обезбеди стадионот на Светското првенство, пишува весникот, додавајќи дека Берлин се обидува да добие повеќе муниција од Катар.
„Гепардите се докажаа многу добро во војната во Украина. Ако можеме да добиеме повеќе од нашите партнери овде, тоа дефинитивно ќе им помогне на Украинците“,
изјави новиот германски министер за одбрана Борис Писториус, цитиран од „Зидојче цајтунг“
ИЗВОР: 360stepeni.mk
