Градоначалникот на општина Илинден, Александар Георгиевски го посети подрачното училиште во Бунарџик кое е во рамки на ООУ „Ристо Крле”, каде изминатиов период беа реализирани повеќе активности за подобрување на условите за одржување на наставата.
Георгиевски информираше кои активности биле реализирани во изминатиот период:
-Целосно ново партерното и хортикултурно уредување на училишниот двор кој подолго време беше запоставен;
-Поставени нови детски реквизити, лулашки;
-Поставен нов довод за вода;
-Набавена смарт табла за подобра настава.
Информатичката технологија е значаен сегмент во наставните програми и во таа насока Општина Илинден инвестираше во подобрување на условите за квалитетен образовен процес, каде изминатиов период:
-Набавени се 5 нови паметни смарт табли за повеќе подрачни училишта на ООУ „Ристо Крле“;
– Во Централното училиште во Кадино опремен е кабинетот по информатика со нови лаптоп компјутери, монитори, слушалки, на старите и дотраени училишни клупи заменети се со нови.
ИЗВОР: skopjeinfo.mk
